20 чэрвеня ў 16:23 у аэрапорце «Берасце» прызямліўся самалёт з кіраўніком расейскага ФСБ Аляксандрам Бортнікавым на борце, паведамляе «МотолькоПомоги».
Самалёт Ту-154М СЛО РФ з рэгістрацыйным нумарам RA-85019 вылецеў з Маскоўскага аэрапорту «Унукава».
Паводле «МотолькоПомоги», разам з Аляксандрам Бортнікавым прыляцела таксама дэлегацыя супрацоўнікаў ФСБ. Імаверна, яны прымуць удзел у памятных мерапрыемствах, прысвечаных пачатку Вялікай айчыннай вайны 22 чэрвеня 1941 года, якія адбудуцца ў Берасці.
Летась і ў 2023 годзе ў гэтыя ж даты Беларусь наведваў кіраўнік Следчага камітэту РФ Аляксандр Бастрыкін.
23 – 24 траўня 2024 года Беларусь наведваў Уладзімір Пуцін. Тэмай №1 падчас ягоных перамоваў з Аляксандрам Лукашэнкам была вайна ва Украіне і супрацьстаянне з Захадам. Візіт Пуціна ў Менск стаў нечаканасцю: ён загадзя на анансаваўся і не быў абумоўлены планавымі мерапрыемствамі па лініі інтэграцыйных аб’яднанняў.
Марыя Міхалевіч belsat.eu