Блогеры, мастакі, пісьменнікі, музыкі, сярод якіх – гурты «Разбітае сэрца пацана» (РСП), «Leibonik», «Nochy» і «Syndrom Samazvanca». 29 чэрвеня ў цэнтры Варшавы – на беразе Віслы – з 13:00 і дапазна пройдзе вялікі «Hučna Fest». Будзе гучна, далучайцеся! Уваход вольны.
Праграма «Hučna Fest»
Літаратурная сцэна (пачатак а 13.00)
Вядоўца – Крысціна Дробыш.
- 13:00. Таццяна Нядбай з уводным словам ад Беларускага ПЭНу. Прэзентацыя зборніку вершаў Анхелы Эспіносы Руіс «Астралябія Божых таямніц» у музычным суправаджэнні Змітра Бартосіка і Юстыны Карпіловіч.
- 13:35. Дыскусія пра жаночую беларускую літаратуру, яе аблічча і стан у сучаснасці. Спікеркі – Наста Кудасава, Света Бень, Ганна Кандрацюк. Мадэратар:ка – тоні лашдэн.
- 15:10. Ганна Янкута з прэзентацыяй кнігі «Час пустазелля».
- 15:45.Чытанні з дыскусіяй пра неабароненую літаратуру і яе аўтараў: тоні лашдэн, Уладзь Гарбацкі, Артур Камароўскі, Света Бень.
Музычная сцэна (пачатак а 17:30)
Вядоўца – Мікіта Мелказёраў.
- 17:40. Гурт «Nochy».
- 18:30. Гурт «Syndrom Samazvanca».
- 19:20. Гурт «Leibonik».
- 20:40. Гурт «РСП».
Падчас «Hučna Fest» будуць працаваць кніжныя стэнды беларускіх выдавецтваў «Gutenberg Publisher», «Skaryna Press», «Янушкевіч», «Hochroth Minsk», «Kamunikat».
Таксама на фестывалі арт-менеджарка Вольга Мжэльская, стваральніца праекту «Размовы маленькага геданіста», апавядзе пра сучаснае беларускае мастацтва. Можна будзе задаць пытанні рэжысёрам падчас «Vodblisk Talk» і даведацца пра новую беларускую краўдфандынг-платформу.
Калі ж у не маеце магчымасці наведаць фестываль «Hučna Fest», адмыслова для вас «Белсат» ладзіць стрым, які можна паглядзець на каналах «Belsat Life» і «Belsat Music». Вядоўца стрыму – Наста Ільіна.
«Гэта не проста музычны фестываль, гэта фестываль з рознымі кампанентамі: музычная сцэна, літаратурная сцэна. І галоўная нашая мэта – паказаць беларускі трэці сектар, беларускі грамадскі сектар, і таму ў нас шмат розных актыўнасцяў, вялікая пляцоўка сацыяльных актыўнасцяў, беларускіх НДА, беларускіх розных ініцыятываў, якія таксама будуць прэзентаваныя на «Hučna Fest», – апавёў Іван Марозька, прадстаўнік «Free Belarus Center», арганізацыі, якая ладзіць фестываль чацвёрты год запар.
«Hučna Fest» пройдзе 29 чэрвеня з 13:00 да 22:00 на беразе Віслы каля варшаўскага Музею сучаснага мастацтва (Wybrzeże Kościuszkowskie, 22).
