У першай палове дня 22 кастрычніка расейскія войскі абстралялі чатыры паселішча ў Данецкай вобласці, у выніку чаго два чалавекі загінулі і яшчэ трое атрымалі раненні. Пра гэта паведамляе Офіс генеральнага пракурора Украіны.
Раніцай 22 кастрычніка расейскія войскі абстралялі сяло Калінаўка Бахмуцкага раёна. Ад атрыманых траўмаў 58-гадовы мясцовы жыхар памёр на тэрыторыі ўласнага дому.
Пад мінамётны абстрэл таксама трапіла сяло Васюкоўка Бахмуцкага раёну. Ад удару варожага снарада ў легкавы аўтамабіль загінуў 61-гадовы мужчына.
У паселішчы Нетайлове Пакроўскага раёну ў выніку абстрэлу з боку расейцаў пацярпеў 19-гадовы хлопец, а ў Тарэцку страсенне мозгу атрымалі 59-гадовая жанчына і 60-гадовы мужчына.
Генеральная пракуратура распачала крымінальныя справы за парушэнне законаў і звычаяў вайны (ч. 1, 2 арт. 438 КК Украіны).
Абстрэлы ў нядзелю таксама фіксаваліся ў Херсонскай вобласці. Кіраўнік Херсонскай абласной адміністрацыі Аляксандр Пракудзін паведаміў 22 кастрычніку, што па паселішчах правабярэжжа Херсоншчыны расейцамі было выпушчана 12 кіраваных авіябомбаў.
Былі нанесены ўдары па Херсоне, Херсонскім раёне і трох сёлах Бярыслаўскага раёна. У абласным цэнтры пацярпелі дамы, будынкі транспартнага і харчовага прадпрыемстваў.
Глеб Нержын belsat.eu