18 і 19 сакавіка ў КНДР прайшлі комплексныя тактычныя вучэнні, скіраваныя на практычнае ўмацаванне сілаў стрымлівання вайны і здольнасці краіны да ядравай контратакі, на адпрацоўванне парадку і працэсаў выканання адпаведнымі часткамі задання тактычнай ядравай атакі. Пра гэта паведамляе дзяржаўнае агенцтва Паўночнай Карэі ЦКАН.
Як заяўляюць, вучэнні сталі адказам на палітыку ЗША і Паўднёвай Карэі ў рэгіёне, «каб выказаць найцвярдзейшую волю да рэагавання на рэальную вайну і зрабіць папярэджанне супернікам».
Двухдзённыя вучэнні ўлучалі вучэнні для кіравання сістэмаю камандавання ядравым ударам, рэальныя вучэнні пераходу на боегатовасць да ядравай контратакі і вучэнні запуску тактычнай балістычнай ракеты з імітаванай ядраваю боегалоўкаю «па галоўным абʼекце ворагаў».
ЦКАН адзначае: вучэнні пацвердзілі, што «ўсе працэсы рыхтавання да ядравай контратакі працуюць у тэрміновым, строгім і бяспечным рэжыме з высокаю надзейнасцю».
Кіраўнік КНДР Кім Чэн Ын адзначыў, што праведзеныя вучэнні значна палепшылі «здольнасці частак і падраздзяленняў да рэальнага бою, якія бяруць на сябе выкананне важнага задання ў агнявым налёце, і ўсе падраздзяленні ўмацавалі ўпэўненасць у сабе». Паводле яго, было важна, каб паўночнакарэйскія вайскоўцы «абвыклі да нечаканай сітуацыі і старанна падрыхтаваліся да неадкладнай, пераважнай і актыўнай ядравай зваротнай гатовасці ў любы час».
Кім Чэн Ын таксама адзначыў неабходнасць нарошчваць «сілы стрымлівання ядравай вайны ў геаметрычнай прагрэсіі».
Якуб Хруст belsat.eu