У сеціве з’явілася інфармацыя пра самагубства намесніка старшыні Мастоўскага райвыканкаму Міхаіла Жука. Пра гэта паведамляе Telegram-канал «Суды, задержания. Гродно и область», акрамя таго, як высветліў «Белсат», жыхары абмяркоўваюць гэтыя звесткі ў мясцовых чатах.
Міхаіл Жук у 2019 годзе.
Фота: «Зара над Нёманам» / mosty-zara.by
Паводле непацверджаных звестак, чыноўнік застрэліўся 12 ліпеня. Як пішуць у чатах мясцовыя жыхары, каля месца суіцыду было шмат міліцыі.
У Мастоўскім РАУСе звесткі пра самазабойства каментаваць адмовіліся:
«У нас вы пра гэта не даведаецеся. Мы такой інфармацыі не даем».
На пасадзе намесніка старшыні Мастоўскага райвыканкаму Міхаіл Жук адказваў за будаўніцтва, ЖКГ, транспарт і сувязь. Звесткі пра яго ўжо выдалілі з сайту выканкаму.
Hавiны
«Наша Ніва»: Імаверная прычына смерці Уладзіміра Макея – самагубства
2023.02.19 17:45
Сяргей Крот belsat.eu
