Прэзідэнт Украіны Уладзімір Зяленскі 8 лютага паведаміў пра адстаўку Валерыя Залужнага з пасаду галоўнакамандуючага Збройнымі сіламі Украіны.
«Я ўдзячны генералу Залужнаму за два гады абароны. Я ўдзячны за кожную перамогу, якую мы дабіліся разам і дзякуючы ўсім украінскім воінам, якія гераічна выцягваюць гэтую вайну на сабе. Адкрыта пагаварылі сёння аб тым, што мае патрэбу ў зменах у войску. Тэрміновыя змены. Я прапанаваў генералу Залужнаму быць і далей разам у камандзе Украінскай дзяржавы. Буду ўдзячны за яго згоду», – адзначыў прэзідэнт Украіны.
Ён таксама паведаміў, што прызначыў генерал-палкоўніка Аляксандра Сырскага Галоўнакамандуючым ЗСУ.
Міністр абароны Украіны Рустэм Умераў адзначыў, што Залужнаму «выпала адна з найскладанейшых задач – кіраваць Узброенымі Сіламі Украіны падчас Вялікай Вайны з Расеяй».
«Нашыя ваяры адбілі нашэсце агрэсара, абаранілі нашу дзяржаўнасць, і працягваюць штодзень абараняць нашу незалежнасць. Але вайна не застаецца аднолькавай. Вайна мяняецца і патрабуе перамен. Баявыя дзеянні 2022, 2023 і 2024 – гэта тры розныя рэальнасці. 2024 прынясе новыя змены, да якіх павінны быць гатовыя. Патрэбныя новыя падыходы, новыя стратэгіі», – напісаў ён.
Дырэктар украінскага Інстытуту сусветнай палітыкі Яўген Магда ў каментары «Белсату» назваў рашэнне кіраўніка дзяржавы палітычным, бо падставаў, звязаных з сітуацыяй на фронце, бракуе:
«Няма сітуацыі, якая б дазваляла казаць, што трэба істотна мяняць вайсковае кіраўніцтва».
Адным з наступстваў адхілення Залужнага эксперт назваў зніжэнне даверу з боку замежных партнёраў, якія «не разумеюць, што адбываецца». «Уласна, унутры грамадства нездаровая сітуацыя, грамадства таксама не разумее, што адбываецца», – падкрэсліў аналітык.
Якуб Хруст belsat.eu
