27 красавіка ў Міністэрства замежных спраў Літвы быў выкліканы прадстаўнік амбасады Беларусі ў Літве, якому ўручылі рашучую нота пратэсту ў сувязі з намерам ліквідаваць Пяляскае грамадскае аб’яднанне літоўцаў Gimtinė («Радзіма»).
Паводле звестак літоўскага МЗС, 28 красавіка адбудзецца паседжанне Гарадзенскага раённага суду ў разглядзе справы аб ліквідацыі арганізацыі пяляскіх літоўцаў. У ноце адзначаецца, што на такія дзеянні Беларусі рушыць услед жорсткі і прынцыповы адказ, Літва ўзніме гэтае пытанне ў міжнародных арганізацыях.
Аб’яднанне працуе з 1993 года на базе сярэдняй школы з літоўскай мовай навучання ў вёсцы Пеляса Воранаўскага раёну. Гэта першае афіцыйна зарэгістраванае ў Беларусі грамадскае аб’яднанне літоўцаў.
Пазоў пра яго ліквідацыю падало Галоўнае ўпраўленне юстыцыі Гарадзенскага аблвыканкаму. Суддзя – Юрый Карэцкі.
Літоўская школа ў Пялясе дзейнічае з 1992 года. Летась беларускія чыноўнікі паведамілі пра яе закрыццё. Ліквідавалі навучанне па-літоўску і ў іншай беларускай школе.
Якуб Хруст belsat.eu
