«Даволі часта вайну разглядаюць як развязанне ўсіх праблемаў. Калі сітуацыя заблыталася так, што не зразумела, як яе можна памяняць, чысты хаос і разбурэнне падаюцца добрым выйсцем», – гэтак піша наш сённяшні госць, які вядзе ў Facebook «Хронікі вайны». Наколькі свет наблізіўся да вялікай вайны? А можа, гібрыдны канфлікт ужо ідзе? Ці можна сказаць, што ў Беларусі адбываецца ціхая грамадзянская вайна: мінулага – з будучым, прагрэсу – з цемрашальствам?
Гэтыя ды іншыя пытанні з Віталём Цыганковым абмяркоўваў беларускі філосаф Павел Баркоўскі.
Некаторыя думкі, агучаныя Паўлам Баркоўскім у часе праграмы:
- Інфармацыя разглядаецца як стратэгічны рэсурс, за які вядзецца барацьба
- Пакуль апошняя імперыя ў Еўропе захоўвае свой патэнцыял, мы застанемся на перадавой вайны
- Вялікая вайна можа прывесці да распаду імперскай адміністрацыі ў Расеі
- Альбо мы будзем мець варыянт Карыбскага крызісу 1962 года, альбо будзе варыянт 1938 года, калі лакальны канфлікт ператварыўся ў вялікую вайну
«Размову» цалкам глядзіце на YouTube-канале «Белсат News».
