На гэтым тыдні ў Беларусі сілавікі затрымалі больш як 30 працаўнікоў Беларускай чыгункай. Затрыманні сталі адказам на «рэйкавую вайну», якая развярнулася ў краіне ў адказ на суўдзел рэжыму Аляксандра Лукашэнкі ў расейскай агрэсіі супраць Украіны.
Са шмат кім з затрыманых знялі і выклалі на праўладныя Telegram-каналы «пакаянныя відэа».
«Гэтыя дзеянні лішні раз пацвярджаюць, што рэжым баіцца як агню страціць кантроль над чыгуначнай галіной Беларусі. У дадзены момант ільвіная доля працаўнікоў КДБ, у тым ліку ў КДБ па вобласцях і Галоўнае ўпраўленне КДБ, кінуты на барацьбу з уцечкай інфармацыі і «рэйкавай вайной», – адзначае тэлеграм-канал «Live. Сообщество железнодорожников Беларуси».
Яго прадстаўнікі адзначаюць, што сілавікі «хапаюць абсалютна выпадковых людзей, каб зноўку пасеяць страх сярод беларусаў», але «інфармацыя як паступала, так і паступае, а колькасць неабыякавых беларусаў толькі павялічваецца».
Нагадаем, з 19 сакавіка спецназ унутраных войскаў в/ч 3214 задзейнічаюць для дапамогі ў кантраляванні чыгуначных шляхоў і інфраструктуры беларускай чыгункі. Прычым вайскоўцы кантралююць тыя ўчасткі, па якіх перавозяць расейскую зброю для вайны супраць Украіны.
А кіраўнік праўлення «Укрзалізниця» Аляксандр Камышын у эфіры «Настоящего времени» заявіў, што чыгуначных зносін паміж Беларуссю і Украінай больш няма, заявіў. Паводле яго, «падзяку за гэта трэба сказаць шчырым беларускім чыгуначнікам», аднак ніякіх падрабязнасцяў не паведаміў.
ПС belsat.eu