Падзенне ВУП прагназуецца на ўзроўні 2,8 %, паведамляецца на сайце Сусветнага банку. Сярод прычынаў падзення называюць уплыў уведзеных заходнімі краінамі санкцыяў.
Сусветны банк таксама прагназаваў падзенне ВУП і ў папярэднім аглядзе, які выйшаў у кастрычніку мінулага года. Тады ён знізіў ацэнку з росту ў 1,9 % да падзення на 2,8 %.
У 2023 годзе, як і раней, Сусветны банк чакае росту беларускай эканомікі на 2,3 %.
Арганізацыя паведамляе, што міжнароднае аднаўленне павінна запаволіцца на фоне працяглых успышак COVID-19, зніжэння палітычнай падтрымкі і працяглых вузкіх месцаў у пастаўках. Перспектывы азмрочаныя рознымі рызыкамі зніжэння, у тым ліку новымі варыянтамі вірусаў, незамацаванымі інфляцыйнымі чаканнямі і фінансавым стрэсам. Калі некаторым краінам спатрэбіцца рэструктурызацыя доўгу, аднаўлення будзе складаней дасягнуць, чым у мінулым. Змяненне клімату можа павялічыць валатыльнасць цэнаў на сыравіну. Сацыяльная напружанасць можа ўзмацніцца ў выніку росту няроўнасці, выкліканага пандэміяй. Гэтыя праблемы падкрэсліваюць неабходнасць стымулявання шырокай вакцынацыі, павышэння ўстойлівасці доўгу, барацьбы са змяненнем клімату і няроўнасці і дыверсіфікацыі эканамічнай дзейнасці.
МГМ, belsat.eu