Штотыднёвая праграма на тэлеканале «Белсат», у якой беларускія і замежныя музыкі граюць у студыі ўжывую, а таксама размаўляюць з вядоўцамі пра сваю творчасць.
Этна-трыа Троіца ў #BML Stars. Жывы сэт у разбуранай бажніцы ў Беразаўцы
Найлепшы фолкавы гурт Беларусі грае ў руінах царквы ў першым выданні новага сезону аўтарскага праекту Сяргея Будкіна! У жывым сэце музыкі зайграюць свае найлепшыя гіты ды прэзентуюць дзве новыя песні. У размове з Сяргеем Будкіным музыкі распавядуць пра самыя фантастычныя месцы, у якіх ім даводзілася граць, а Іван Кірчук згадае сваю першую экспедыцыю і раскажа, чаму яму дагэтуль не далі званне Заслужанага артыста.
Топ беларускага пост-панку ды індзі. Плэй-ліст ад #BML
Беларускія пост-панк ды індзі-гурты добра вядомыя за мяжой. Іх найлепшыя кампазіцыі, выкананыя жыўцом у студыі аўтарскай праграмы Сяргея Будкіна, Belsat Music Live склаў у адмысловы сэт.
Belsat Music Live падрыхтаваў баявую падборку гітоў беларускай рок-музыкі розных часоў. Гэтыя кампазіцы былі зайграныя жыўцом у студыі аўтарскай праграмы Сяргея Будкіна.
Крамбамбуля, Pomidor/off, Super Besse, Nürnberg у зборнай #BML
Перад сыходам «Belsat Music Live» у летні адпачынак аўтар праграмы Сяргей Будкін прапануе паслухаць падборку песень, якія прагучалі ў студыі, але не ўвайшлі ў папярэднія выданні.
«Haina» – рок-гурт, які прынцыпова не выкарыстоўвае электрагітараў, а драіў перадае з дапамогаю баяна, скрыпкі ды бубнаў. Музыкі выступаюць з жывым сэтам у студыі аўтарскай праграмы Сяргея Будкіна «Belsat Music Live».
Фіналісты конкурсу маладых выканаўцаў «Заспявай-6» спаборнічаюць за адну з пачэсных узнагародаў – прыз глядацкіх сімпатыяў. Хто з іх пераможа – LEAR, «юность», Марыя Чапрасава ці «PyLai»?
Такой Ані Шаркуновай вы яшчэ не чулі! Поп-спявачка разам са сваім жывым бэндам падрыхтавала нечаканы плэй-ліст. Будуць беларускамоўныя кампазіцыі, уласная апрацоўка песні «Воины света» і дуэт са Змітром Вайцюшкевічам.
Як беларускі пост-панк скарыў сусвет. «Молчат дома» ў #BML
У прэміум-выданні аўтарскай праграмы Сяргея Будкіна «Belsat Music Live» выступае гурт «Молчат дома». У жывым сэце музыкі зайграюць свае самыя актуальныя трэкі.
У жывым сэце гурт «Закон Гука» выканае галоўныя песні каманды, прэм’ерную кампазіцыю, а таксама твор на словы Вацлава Ластоўскага «Пішы», які ўвайшоў у рэйтынг «60 беларускамоўных гітоў сучаснасці».
